തെങ്ങും, വാഴയും,കൊള്ളിയും ,ജാതിയും പോലെ നാണ്യ വിളകളാലും.വാറ്റ്,മണല്‍ മാഫിയ,ഗുണ്ടായിസം തുടങ്ങിയ ആവശ്യ സര്‍വിസുകളാലും സംബുഷ്ട്ടമായ മേലൂര്‍ ഗ്രാമം. മദ്യത്തിന് തീരെ മാര്‍ക്കറ്റ് ഇല്ലാത്ത ചാലക്കുടിയുടെ പള്ളക്ക്യാണ് മേലൂര്‍.പള്ള നിറയെ കളളുമായി നീങ്ങുന്ന മേലൂക്കാര്‍ ഒരു സുന്തരമായ കാഴ്ച തന്നെയാണ് .
ഇവിടെ ബൂര്‍ഷ്വാ മുതലാളിമാര്‍ രണ്ടു തരമാണ് ഒന്ന് പരമ്പരാഗത ഭൂസ്വത്ത് ഉള്ള ബൂര്‍ഷ്വകളും, രണ്ടു ,മേല്‍ പറഞ്ഞ ആവശ്യ സര്‍വിസുകള്‍ നടത്തി ബൂര്‍ഷ്വകള്‍ ആയവരും.ഒന്നാമത്തെ വര്‍ഗ്ഗത്തിന്‍റെ അടിസ്ഥാന വരുമാന മാര്‍ഗ്ഗം ജാതിക്കയും, തേങ്ങയുമാണ്.
അന്നന്നത്തെ അര കുപ്പി മദ്യത്തിനു വേണ്ടി പത്ത് ജാതിക്കായോ,തേങ്ങയോ മോഷ്ടിച്ച് വില്‍ക്കുന്നത് ഒരു വലിയ പാപമല്ലെന്നു ദരിദ്ര നാരായണന്‍ മാരായ വയസന്‍ കുടിയന്‍ മാര്‍ മുതല്‍ ചെറുപ്പക്കാരായ കോളേജ് കുമാരകുടിയന്‍മാര്‍ വരെ വിശ്വസിച്ചിരുന്ന മേലൂര്‍ ഗ്രാമം . അതിന്‍റെ വടക്കേ മൂലയാണ് വടക്കുമുറി എന്ന പേരില്‍ പ്രസിദ്ധമായ എന്‍റെ ജന്മ നാട്.
ഒരു ഇടവക പള്ളിയും,പള്ളിക്ക് നാലു കുടുംബയൂണിറ്റും,അതില്‍ ഞങ്ങടെ യൂണിറ്റില്‍ ആകെ യുള്ള പത്തന്പത് വീട്ടു കാരില്‍ നാല്പത്തിയഞ്ജും നസ്രാണികള്‍.അതില്‍ ഭൂരിഭാഗവും ബൂര്‍ഷ്വാ മുതലാളിമാര്‍ ,ബാക്കി രണ്ടു മൂന്ന് നായന്മാരും,മൂന്നാല് ചോന്മാരും . അത്ര മാത്രം .
സോഷിലിസം ആവശ്യമാണെന്ന് അച്ഛന്‍ പള്ളില് പറഞ്ഞിട്ടുണ്ടെന്ന് അന്തോണിചേട്ടന്‍ ഒരിക്കെ ഷാപ്പിലിരുന്നു പറഞ്ഞു.അച്ഛന്‍ പറഞ്ഞത് കാള്‍മാക്സിന്റെ സോഷിലിസമല്ലെന്നും കര്‍ത്താവിന്റെ സോഷിലിസമാണെന്നും ഞാന്‍ തിരുത്തി.കര്‍ത്താവ് കമ്മ്യുണിസ്ട്ടാനെന്ന അറിവ്‌ അന്തോണിചേട്ടനിലെ കോണ്ഗ്രസ്സ് കാരനെ ഉണര്‍ത്തി................
.പറ്റും പൊറത്ത് അച്ഛനെ നാലുതെറിയും പറഞ്ഞു പാര്‍ട്ടി ആപ്പിസിന്റെ മുന്നില്‍ നിന്ന് അന്തോണി ചേട്ടന്‍ അന്നാമ ചേടത്തിയുടെ ആത്മശാന്തിക്കായി പ്രാര്‍ഥിച്ചു ..........
കര്‍ത്താവ് കമ്മ്യൂണിസ്റ്റാണെങ്കില്‍ ഞാനും കമ്മ്യുണിസ്റ്റാകുന്നു വെന്നു ആ നല്ല കുഞ്ഞാട് ഉച്ചസ്വോരത്തില്‍ അവിടെ നിന്ന് വിളിച്ചു കൂവി.അത് ലോകമറിഞ്ഞു
അങ്ങനെ പൊട്ടുകുത്തി ബിജുവും ,അയ്യംകുളം അഭിലാഷും(പാര്‍ട്ടി അംഗത്വം ലഭിച്ചവര്‍)ഞാനും,അന്തോണി ചേട്ടനും (അനുഭാവികള്‍) വടക്കുമുറിലെ പാര്‍ട്ടി നാലായി വികസിച്ചു .
എന്‍റെ ഗജാന്ജി സ്ഥാനത്തിന് താഴെ ഞാന്‍ അന്തോണി ചേട്ടന്റെ പേര് വെണ്ടയ്ക്ക അക്ഷരത്തില്‍ എഴുതിചേര്‍ത്ത് ക്രിതാര്ത്തനായി ............
മോഷണം അതാണ് പ്രശ്നം ,അതാണ് കഥ,അച്ഛന്‍ കമ്മിറ്റി വിളിച്ചു,ഞായറാഴ്ച് ആദ്യ കുര്‍ബ്ബാന കഴിഞ്ഞു.രണ്ടു കോഴിയെയും,രണ്ടു കുപ്പി പാലും ,ഒന്നുരണ്ടു കാഞ്ഞ നേന്ദ്രകുലയും കയ്ക്കാരന്‍ ആയ വിലക്ക് ലേലം വിളിചെടുത്തു,
ശേഷം കമ്മിറ്റി..
പറമ്ബിന്നു തേങ്ങ മോഷണം പതിവാണ്...........ജോര്‍ജ്ജ് ചേട്ടന്‍ പറഞ്ഞു,
ജാതിക്കായും ............അടക്കയും ..............കൊള്ളിയും .........
ഒച്ചപ്പാടിനിടയില്‍...........
കോഴിയും ..............പോണ്ട് .എന്‍റെ വിലാപം ആരും കേട്ടില്ല......
നിന്‍റെ വയ്റ്റിലേക്കല്ലേ ......ആരോ ഇടയ്ക്കു പറഞ്ഞു..... ഞാനടക്കം പല പിള്ളേരും അത് ശ്രദ്ധിച്ചില്ല .............ആവശ്യമില്ലാത്ത കാര്യങ്ങള്‍ നമ്മള്‍ ശ്രധിക്കേണ്ടതില്ല.
ഒടുക്കം പോലീസ് നിഷ്ക്രിയരാനെന്നു പള്ളികമ്മിറ്റി പ്രമേയം പാസാക്കി... ഞങ്ങള്‍ ആമഹത്തായ കണ്ടുപിടുത്തത്തിന് ആര്‍ത്ത് കയ്യടിച്ചു.
ജോര്‍ജ്ജ് ചേട്ടന്റെ തേങ്ങ എങ്ങോട്ട് പോണെന്നു ഞങ്ങള്‍ക്കറിയാം ........അത് നിങ്ങക്ക് എങ്ങനെ അറിയാം എന്ന ചോദ്യം വരുമെന്നതറിയാവുന്നതുകൊണ്ട്..........ആ ഉത്തരം മാത്രം ലോകം അറിഞ്ഞില്ല ....
ഞങ്ങളെപോലെ ജോര്‍ജ്ജ് ചേട്ടന്‍ പാഞ്ഞ്ജി (ഫ്രാന്‍സിസ്)ചേട്ടനെ തന്നെ സംശയിച്ചു........
അതൊരു കുടുംബപരമായ സംശയമാണ് ........രണ്ടു പുരാതനമായ ക്രിസ്ത്യന്‍ മാടമ്പികള്‍ തമ്മിലുള്ള ഒരു ചെറിയ സംശയം .....
ആ സംശയം തേങ്ങയില്‍ മാത്രമല്ല ജീവിതത്തിന്‍റെ പല മേഖലകളിലും വ്യാപിച്ചു കിടക്കുന്നു.അത് ജാതിക്യാ,അടക്യ,ഭാര്യ അങ്ങനെ തുടങ്ങി പറംമ്പിലെ മണല്‍ തരിയെ പോലും അവര്‍ സംശയത്തോടെ നോക്കി ....................
ജോര്‍ജ്ജ് ചേട്ടന്റെ തേങ്ങകള്‍ പിന്നെയും മൂത്തു,..............
വെട്ടിയിറക്കിയ തേങ്ങകള്‍ ഒരു മൂലയ്ക്ക് കൂട്ടിയിട്ടു,............
കള്ളന്മാര്‍............
ഒരു നിശ്വോസത്തോടെ ജോര്‍ജ്ജ് ചേട്ടന്‍തന്‍റെ കൂര്‍മ ബുദ്ധി മൂര്‍ച്ചകൂട്ടി ..........
പിറ്റേ ദിവസവും തേങ്ങ കുറഞ്ഞു, ജോര്‍ജ്ജ് ചേട്ടന്‍ സന്തോഷിച്ചു,ആര്‍ത്തുല്ലസിച്ചു ...........
വടക്കുമുറിയിലെ തെങ്ങാകള്ളനെ കയ്യോടെ പിടികൂടാന്‍ പള്ളിവിട്ട് കരപ്രമാണിമാരും,അച്ഛനും,പിന്നെ വാര്ത്തകേട്ടിഞ്ഞു ഞങ്ങള്‍ ചിലരും ജോര്‍ജ്ജ് ചേട്ടനു പിന്നാലെ.....................
പാഞ്ഞ്ജി ചേട്ടന്റെ വീട്ടു പടിക്കല്‍ ......
പാഞ്ഞ്ജി ഒറക്ക ചടവില്‍ വാതില്‍ തുറന്നു........പകപ്പ് ഉള്ളില്‍ മാത്രം ..........
ജോര്‍ജ്ജ് ചേട്ടന്റെ തേങ്ങ അങ്ങേര് അര്ബാനിലേക്ക് (ഉന്തു വണ്ടി ) പറക്കി പറക്കി ഇട്ടു ഇരുപത്തിനാലു വരെ എണ്ണി വണ്ടി മാറ്റി വച്ച് ..കുറചെണ്ണി മാറ്റിയിട്ടു .............മൊത്തം ഒരറുപതെണ്ണം വരും.............
നീയിതെന്നതാ കാണിക്കുന്നേ .............
ഒന്നൂല പാഞ്ഞ്ജി എന്‍റെ തേങ്ങയങ്ങ് മാറ്റിത...........
എന്‍റെ മുറ്റത്തെ തേങ്ങയെങ്ങനാ നിന്റെതാവണെ..............
അതൊരു ചെറിയ ഐഡിയ ............
കണ്ടോ ..........എന്‍റെ തെങ്ങേമേ ഇന്നലെ ഞാനങ്ങു G യെന്നു കോറിയിട്ടു......... G ന്നു പറഞ്ഞാ ജോര്‍ജ്ജ്............
കണ്ടോ ദാ കെടക്കനതൊക്കെ G തേങ്ങയ ............
പാഞ്ഞ്ജി ഒന്നും മിണ്ടീല.............
ഭയങ്കരം ...ഞങ്ങള്‍ അതിശയിച്ചു പോയി .........
അന്ന് മൊതല് നാട്ടില് G, K, A ,തുടങ്ങി അല്ഫബെറ്റിലെ പലതരം അക്ഷരങ്ങള്‍ കൊണ്ട് സങ്കരയിനം തേങ്ങകള്‍ റിലിസായി ..........
Subscribe to:
Post Comments (Atom)
No comments:
Post a Comment