പാടത്തെ മാതാവ്.......
..........അപ്പന് ചെറുപ്പത്തില് അവരെ അങ്ങനെയാണ് വിളിച്ചിരുന്നതെന്ന് എന്നോടോരിക്കല് പറഞ്ഞിട്ടുണ്ട്,പാടത്ത് തലയില് ഒരു വെള്ള തോര്ത്തിട്ടു ആടിനെയും തീറ്റി നടന്നിരുന്ന സമപ്രായക്കാരിയെ കൂട്ടുകാര് ചേര്ന്ന് കളിയാക്കി വിളിച്ചിരുന്ന ഒരു കളി പ്പേര് ..... .ഞാനും ഒരുതവണ അങ്ങനെ വിളിച്ചിട്ടുണ്ട്,ഒരു തവണ മാത്രം .
എന്റെ ജീവിതത്തിലെ ഒരു നല്ല കാലഘട്ടം,ഒരു പാട് കുട്ടുക്കാരും,കളികളും ,തമാശകളും നിറഞ്ഞ കുട്ടിക്കാലം. ജീവിതം ഇങ്ങനെയൊക്കെ ആണെന്ന് ഞാന് പലപ്പോഴും അശ്വസിച്ചിട്ടുണ്ട്. ഒരു തലമുറ ഒന്നിച്ചു കളിച്ചു വളര്ന്നവര്,പിന്നീട്ഞാനടക്കമുള്ള എന്റെ കൂട്ടുകാര് പലരും പല സ്വപ്നങ്ങളുമായി അറബിനാടുകളിലേക്ക് കടന്നപ്പോള് ഒന്നുരണ്ടു പേര് നാട്ടില് തന്നെ ശേഷിച്ചു .യവ്വനത്തിന്റെ തീഷ്ണതയില് സമൂഹം തെറ്റാണെന്നു പറഞ്ഞത്, ഞങ്ങളെല്ലാരും കൂടി ചെയ്തു വച്ചതിന്റെ പരിണതഫലം എല്ലാം
അവരാണ് അനുഭവിച്ചത് . അവര് മതത്തിന്റെയും, ജാതിയുടെയും ,പ്രസ്ഥാനത്തിന്റെയും ,പണത്തിന്റെയും പേരില് തെറ്റിപിരിയുകയും,ചേരിതിരിയുകയും ചെയ്ത വേദനാജനകമായ ഒരവസ്ഥ എന്റെ ആദ്യ ലീവിന് നാട്ടില് ചെന്നപ്പോള് ഞാന് അനുഭവിച്ചു
പല ദിവസങ്ങളിലും വയ്കീട്ട് പണിയും കഴിഞ്ഞു പാട വരമ്പിലൂടെ തലയില് ഒരു സഞ്ചി നിറയെ അരിയും,പലവക സാധനങ്ങളുമായി പോകുന്ന ആ സ്ത്രീ.ജീവിതഭാരങ്ങള് കഴുത്തിലും,കാതിലും,ആടയാഭരണങ്ങള് ചാര്ത്തി,തൊലിയില് കാര് വര്ണ്ണം പതിച്ച് ജീവിതത്തിന്റെ ബാക്കി ആറുനിറങ്ങളും നഷ്ടപെട്ട ഒരു സ്ത്രീ.പലപ്പോഴും എന്നെക്കാന്നുമ്പോള് സ്നേഹപൂര്വ്വം അരികില് വിളിച്ചു സഞ്ചി താഴെയിറക്കി അതില്നിന്നു മക്കള്ക്ക് കൊടുക്കാന് എടുത്ത് വച്ചിരിന്ന പരിപ്പ് വടയോ,ഉണ്ടന് പോരിയോ ,എന്തായിരുന്നാലും എനിക്ക് തരുമായിരുന്നു.ഒരു തലമുറ ചെയ്ത സുകൃതത്തിന്റെ പരിണിത ഫലം .
അത് വളരെ പഴകിയ കഥയാണ്.തങ്ക ചേച്ചിയുടെ ഭര്ത്താവ് നേരത്തെ മരിച്ചിരുന്നു.മകളുടെ വിവാഹം നാലഞ്ച് വര്ഷം മുന്നേ കഴിഞ്ഞു. ഞങ്ങള് ചേര്ന്നാണ് അന്ന് കല്യാണ ത്തിന്റെ ഒരുക്കങ്ങള് നടത്തിയത് .മകന്റെ കൂട്ടുകാര് എന്നതിലുപരി സ്വന്തം മക്കളെ പ്പോലെ യായിരുന്നു ഞങ്ങള് .പിന്നീട് സാഹചര്യങ്ങള് ക്കനുസരിച്ച് ഞങ്ങളുടെ ജീവിതങ്ങള് മാറിമറിഞ്ഞു.മണല് മാഫിയയും, രാഷ്ട്രീയക്കാരും,യുവജന പ്രസ്ഥാനങ്ങളും ,ഞങ്ങളെ ഏറെ മാറ്റി.സുഹൃത്തുക്കള് ശത്രുക്കളാകാനും ചേരി തിരിയാനും അധികം നാളെടുത്തില്ല.ഞാന് നാട് കടന്നപ്പോള് എന്നോടൊപ്പം സുഹൃത്ത്ബന്ധങ്ങള് നാട് കടക്കപ്പെടുകയും,ഓര്ക്കാനഗ്രഹിക്കാത്ത പലതും മരിക്കുകയും ചെയ്തു.
ഞാന് നാട്ടിലെത്തിയപ്പോള് അവന് യുണിയനില് ചേര്ന്നിരുന്നു.എന്നെ പലപ്പോഴും കണ്ടെങ്കിലും കാണാത്തമട്ടില് കടന്നുപോയി.അവന്റെ വീട്ടിലേക്കു പോകാനുള്ള പേടി എന്നെ അതിനു നിര്ബന്ടിച്ചില്ല.ഒരുദിവസം ഞാന് അവനോടു തങ്ക ചേച്ചിയെ പറ്റി ചോദിച്ചു ,ഒന്നും പറഞ്ഞില്ല.
ഒരിക്കല് ഞാന് അവരെ വഴിയില് വച്ച് കണ്ടു,അവരുടെ കണ്ണുകള് എന്നെ തിരിച്ചറിഞ്ഞു ,പക്ഷെ ഹൃദയം അതിനു തയ്യാറായില്ല .മുറിപെട്ട ഹൃദയവുമായി അവര് നടന്നു നീങ്ങുന്നത് ഒരിത്തിരി വേദനയോടെ ഞാന് കണ്ടു നിന്നു.സ്നേഹം നിറഞ്ഞ മാതാവിനെ പോലെ ഹൃദയമുണ്ടായിരുന്ന അ സ്ത്രീ.ഒരു രാഷ്ട്രിയക്കാരന്റെ അമ്മയാകാന് വേണ്ടി പണിപ്പെടുന്നതായി എനിക്ക് തോന്നി .......... അവര്ക്കരികില്ഓടിച്ചെന്നു ലോകം കേള്ക്കുമാറു ഉച്ചത്തില് അത് വിളിക്കണമായിരുന്നു എന്ന് എനിക്ക് ഇന്ന് തോന്നുന്നു .
........പാടത്തെ മാതാവേ.............
എങ്കില് അവരുടെ കണ്ണില് നിന്ന് ഒരു തുള്ളി കണ്ണുനീര് ഇറ്റ് വീഴുന്നത് എനിക്ക് കാണാമായിരുന്നു .........ഇതായിരുന്നു പുതു തലമുറ ചെയ്ത സുകൃതത്തിന്റെ പരിണിത ഫലം .
......................
Subscribe to:
Post Comments (Atom)
No comments:
Post a Comment