ഹം മുംബൈ മെ ആക്കര് ബഹുത്ത് 'കഷ്ടപെട്ട' ആത്മി ഹെ......പറഞ്ഞു തുടങ്ങിയാല് നിര്ത്തൂലാ പഹയന് ....
ഞമ്മടെ ഈ കടുകിനെ എങ്ങനാ ഹിന്തീല് .....മമ്മദ് കാ കടുക് പാക്കറ്റ് ചൂണ്ടി ചോദിച്ചു ....
ബഹുത്ത് ആസാന്....തേല് മെ ദാലേഗ 'ചട് പിട് ചട് പിട് '
കവലയിലെ മമ്മദ് കാന്റെ പലചരക്ക് കട ഹിന്ദി പ്രജാരക്സഭ യുടെ ക്ലാസ്സായത് പെട്ടന്നായിരുന്നു.....
മലയാളത്തില് പേരെഴുതാന് അറിയാത്ത തയ് കെളവന്മാര് വരെ ഇപ്പം ഹിന്ദി മേം ബാത്ജിത് കര്ത്താ ഹെ ..ഹും ...
ഘോഷെന്ന പുതു താരം നാട്ടില് വാര്ത്തയായി ......
ഓന് നമ്മടെ ദോസ്താണ് , നാട്ടില് പട്ടിണി കിടന്നു മടുത്തപ്പോ ...ഒരു തണുത്ത വെളുപ്പാന് കാലത്ത് ഘോഷ് തീവണ്ടി കയറി
ഞങ്ങടെ ഗ്രാമത്തിലെ ആദ്യ നാട് വിടല് ..മുന്പും ഒരിക്കല് അവന് നാട് വിട്ടിരുന്നു സൈക്കിളില് .....അലുവയിലെത്തി സൈക്കിള് സ്റ്റാന്റില് വച്ച് ചായകുടിക്കാന് കയറി ...ഏതോ ഒരു കള്ളപഹയന് ഓട്ടോ തിരിക്കാന് സൈക്കിള് എടുത്തു മാറ്റിവച്ചു ......ദിശ തിരിഞ്ഞത് അറിയാതെ ഘോഷ് ആഞ്ഞാഞ്ഞു ചവിട്ടി നാടും വീടും പിന്നിലാക്കി കൊണ്ട് ..........ദാണ്ടെ ആലുവ കഴിഞ്ഞിട്ട് ഒരു അങ്കമാലി. കൂടി പഹയന് ആവേശമായി എന്നാ ചാലക്കുടിയും കാണും ....അമ്മേരിക്ക കണ്ട കൊളംബസ്സിനെപോലെ തന്റെ രണ്ടാമത്തെ വീടും ഘോഷന്നു കണ്ടുപിടിച്ചു ......ഇത്തവണ പിഴച്ചില്ല ചെന്നിറങ്ങിയ ഇടം മുംബൈ ആണെന്ന് വഴിയില് കണ്ട ഏതോ മലയാളി പറഞ്ഞാണ് അറിഞ്ഞത്......പിന്നെയൊരു കറക്കമായിരുന്നു ..........
അന്ധേരി മേം റെഡ് സ്ട്രീറ്റ് മേം .......
ഉധര് ബാരിഷ് എസാ നഹി .. ജോപ്പട്ട് മേം മുട്ടോളം പാനി ആയേഗ ...മുംബൈ കഥകള് കേട്ട്
കേട്ടവര് കേട്ടവര് വാ പൊളിച്ചു ........അങ്ങനെ മണ്ടന് ഘോഷ് മുംബൈ ഘോഷായി ......
പാഞ്ചി ചേട്ടാ .......ചേട്ടന്റെ കയ്യിന്നു പണ്ട് കടം മേടിച്ച അഞ്ഞൂറ് റുപ്പീസ്
‘അഭി ഹമാര തുമാര ബീച്ച് മേം കോയി എടപാട് നഹി ഹെ’............
പാഞ്ചി യും വാ പൊളിച്ചു ........
മേം ഉദര് ചോട്ടാ രാജ് ക ബായി ഹാത്ത് ത .................
ബഹുത് പ്രോബ്ലം ഹെ മുംബൈ മേം ജിനേ കേലിയെ ..........
ഹൈവേ ബാറിലെ ഒഴിഞ്ഞ കോണില് ഞങ്ങള് ....കണ്ണന് ,ഞാന്..... ഘോഷ്
ഒറ്റകണ്ണന് ബ്രാന്ഡി ഒരു കുപ്പി അവസാന ഭാഗം ..........
കണ്ണാ... ഗലിയിലെ മേട്ടയുടെ ഒറ്റ മോള് ...ഒരു മറാത്തി ....കൊഴപ്പില്ല കാണാന് ....ഓള്ക്ക് ..എന്നോട് മുടിഞ്ഞ പ്രേമം.........അവളും ...അവള്ടെ തന്തപ്പിടിയും കരഞ്ഞു കാലുപിടിച്ചു കെട്ടാന് പറഞ്ഞു ,,,,,,,,,,,,കാര്യം കഴിഞ്ഞ പിന്നെ നമുക്കെന്നാത്തിനാ ..............ഞാന് പോവാന് പറഞ്ഞു അല്ല പ്പിന്നെ ...........അന്ന് വിട്ടതാ ......
വെടി പൊട്ടുന്ന ഒച്ചയില് ഞാന് സോഡാ പൊട്ടിച്ചു .....................
ദിവസങ്ങള് പൊഴിഞ്ഞു വീണു ..........ഘോഷ് ഇന്ന് വാര്ത്തയല്ല .........
ആപ് നഹി വാപ്പസ് ജാത്താ മുംബൈ മേം .............
നഹി ,,നഹി
ചോദ്യങ്ങള് ആചാര വെടി പോലെ ആളുകള് ചോദിക്കുന്നു ..........
ഉത്തരങ്ങള് അവര് തന്നെ പറയുന്നു ഘോഷ് ഇളിഭ്യനായി
ഹൈവേ ബാറിലെ ഒഴിഞ്ഞ കോണില് ഞങ്ങള് ....കണ്ണന് ,ഞാന്..... ഘോഷ്
ഒറ്റകണ്ണന് ബ്രാന്ഡി കുപ്പി അവസാന ഭാഗം ..........
കണ്ണാ... ഗലിയിലെ മേട്ടയുടെ ഒറ്റ മോള് ...ഒരു മറാത്തി ....കൊഴപ്പില്ല കാണാന് ... ..എനിക്ക് അവളോട് മുടിഞ്ഞ പ്രേമം.........അവളും ...അവള്ടെ തന്തപ്പിടിയും പറഞ്ഞു കാലുതല്ലി ഒടിക്കുമെന്നു ........ഒരു ദിവസം പിടിച്ചു കെട്ടാന് വന്നു ,,,,,,,,,,,,തല്ലി കൊന്നാലോ..............കൂടെ താമസിക്കുന്നൊരു പോവാന് പറഞ്ഞു ...........അന്ന് വിട്ടതാ ......
വെടി പൊട്ടുന്ന ഒച്ചയില് ഞാന് സോഡാ പൊട്ടിച്ചു .....................ചേട്ടാ ഒരു ഫുള്ള് കൂടി ........
ഹം മുംബൈ മെ ആക്കര് ബഹുത്ത് 'കഷ്ടപെട്ട' ആത്മി ഹെ......പറഞ്ഞു തുടങ്ങിയാല് നിര്ത്തൂലാ പഹയന്
....
Subscribe to:
Post Comments (Atom)
No comments:
Post a Comment